Fríggjakvøldið 1. mars skipar Føroyingafelagið í Aalborg fyri Tórskvøld saman við Tórshavnar kommunu og Hugskotinum í Tórshavn.

Elinborg vann í 2016 heiðurin sum besti live-tónleikari og varð í 2018 tilnevnd sum besti kvinnuligi sangari á FMA. Í 2015 gav Elinborg sína fyrstu EP fløgu út við fýra føroyskum sangum og í 2017 kom hennara næsta fløga út, sum var gjørd í samstarv við Høgna Lisberg, Allan Tausen og Hans Marius Ziska. 

Í mars fer Elinborg á konsertferð í Pólandi, men áðrenn hetta kemur hon til Aalborg at framføra fyri okkum til Tórskvøldið tann 1 Mars. Vit gleða okkum at hoyra nøkur løg frá Elinborg. 

Niðanfyri kunnu tit hoyra sangin ”Um eg kundi” hjá Elinborg. 

---

Eftir tiltakið bjóðar Tórshavnar kommuna føroyskt ábit og øl frá OKKARA. Tiltakið er ókeypis, men tilmelding til tiltakið fer fram umvegis torskvold@torshavn.fo og viðmerkið ”Tórskvøld í Aalborg”, umframt hvussu nógv tit eru. 

Tiltakið er stuðlað av Atlantic Airways og Smyril Line, og tessvegna hava luttakarar á tiltakinum høvi at vinna tveir SVEIGGJ ferðaseðlar frá Atlantic Airways ella ein flytipakka frá Smyril Line.

Hvar: Kayerødsgade 43, Aalborg
Nær: Fríggjadagin 1. mars 2019 kl. 19.00

Lesið meira um tiltakið HER

Fylgið við á Facebook HER.

Viðmerkingar

Viðmerking