Síðsta hond løgd á barrina í Álastovu
Til tiltøkini Romsmakking í Álaborg og Álaquiz í kvøld, fríggjakvøldið 17. november, hava limirnir møguleika at síggja liðugtgjørdu barrina í Álastovu.
Arbeitt hevur miðvíst uppá barrina í nakrar mánar og endaliga úrslitið er framúr, sum tit síggja á myndini. Sniðgivið, smíða, mála og lagt ljós í hava Árni, Bergur, Gunnar, Martin og Robert. Myndlistina á barrdiskinum eigur Niels Fríðheim.
Vit í nevndini vilja takka hesum monnum fyri teirra megnar arbeiðið og vit vóna at okkara limir taka væl í móti barrini.