Eins og undanfarin ár kann Føroyingafelagið í Aalborg bjóða sínum limum innandura ítrótt. Hetta letur seg gera orsaka av dugnaligum limum, ið saman við Føroyingafelagnum, skipa fyri innandura ítróttinum. Í ár eru trý innandura lið tilmeldaði, eitt flogbóltslið og tvey fótbóltslið, og einasta krav fyri  luttøku í innandura ítróttinum er, at tú ert limur í Føroyingafelagnum í Aalborg. Les meira um, hvussu tú kanst tekna teg sum lim her.

Niðanfyri er stutt útgreining yvir innandura liðunum og teirra tíðir. Eisini er møguligt at síggja eitt samlað yvirlit í hesari grein.

 

Fintan – innandura fótbóltur 

Fintan spælir fótbólt vanliga fríggjakvøld frá kl. 19.00 til 21.00, tó verður ikki spælt nakrar vikur tí tá høllin er upptikin. Síð yvirlitið. Fintan heldur til í Filstedvejens Skole – Skolehal. Um hetta hevur tín áhuga, so er leinkja til Facebook bólkin hjá Fintuni her.

Flogbóltur í Aalborg

Flogbólturin hevur vanliga tíð mánakvøld frá kl. 20.00 til 21.30, tó eru undantøk tá høllin er upptikin. Sí yvirlitið. Flogbólturin heldur til í Aalborghus Gymnasium – Gymnastiksal. Um hetta hevur tín áhuga, so er leinkja til Facebook bólkin hjá Flogbóltinum her.

Fótbóltur – Herningvej

Fótbólturin á Herninvej spælir fótbólt, frá viku 3 til 13, hóskvøld kl. 20.30 til 22.30. Frá viku 15 til 22 verður spælt týskvøld kl. 20.00 til 22.00. Og eftir summarferiuna verður spælt hóskvøld frá 20.00 til 22.00. Um hetta hevur tín áhuga, so er leinkja til Facebook bólkin hjá Fótbóltinum á Herningvej her.

Yvirlitið yvir innandura ítróttin: Álaborg-ítróttur-2018

Viðmerkingar

Viðmerking