Nú eru einans tvær vikur eftir til vit leggja frá kai, og seta kósina ímóti Kildeparken 🙂
Fleiri hava longu tekna seg upp á manningarlista okkara, og ivaleyst verða vit fleiri afturat!

Minnist til at tilmeldingarfreistin er 17. mai!

Skipasmiðjan er væl ávegis við arbeiðinum, og arbeiðismenninir siga sjálvir, at hetta verður eitt megnarfar! Teir eru eisini sannførdir um, at hetta fer at verða eitt tað besta útróðrar-karnivals-árið síðani 1968 – tá tað var ein frískur vindur upp í strúk av landnyrðingi og eystri. Út á seinnapartin varð tað stívt andøvsgul upp í skrið, og sólglottar vóru at síggja ymsastaðni á skrúðgonguni.

Skráin!

• Temaði hjá okkum er “Sjólívið”.
• Vit mynstra og tilluta armbond kl 10:00, og leggja síðani frá kai á “Øst-Paraden”.
• Síðani fylgja vit streyminum, og gera tað, ið fólk gera til Karnival, evt. pissa í saltan sjógv.
• Vit syrgja fyri at hava tað góða lagið við okkum, og fegnast um at alt koyrur sum tað skal!!
• Tá ið vit eru komin suður um fjørðin leggja vit at bryggju við Post-Sentralen.
• Pylsur, breyð og annað gott verður tveitt á grilluna. 😉
• Síðani ræður tað um, at skræða í seg og hugna sær, inntil fólk so smátt byrja at leita sær aftur til koyggjuna.

Tilboðini!

Tað er eitt øl-tilboð og eitt cider-tilboð!

GG! Fyri at luttaka er limaskapur eitt krav, um tú ert búsitandi í Aalborg – Tekna teg sum lim

Fólk búsitandi uttanfyri Aalborg, noyðast ikki at gjalda fult limagjald, men kunna rinda eitt eindagsgjald á 20 kr.

Um tú skalt rinda eindagsgjald; viðmerk so í flyttingini: ”Karneval – ØL “ella” CIDER – NAVN – EINDAGSGJALD”.

Øl-tilboð:

• Kostar 85 krónur.
• 10 øl í frystilastini umborð á skipinum.
• Pylsur, breyð og tilhoyr á grillini aftaná lokna skrúðgongu.
• Flyt 85 kr. á MobilePay okkara á 49703, og viðmerk í flytingini: ”Karneval – ØL – NAVN”.

Cider-tilboð:

• Kostar 95 krónur.
• 10 cider í frystilastini umborð á skipinum
• Pylsur, breyð og tilhoyr á grillini aftaná lokna skrúðgongu.
• Flyt 95 kr á MobilePay okkara á 49703, og viðmerk í flytingini: ”Karneval – CIDER – NAVN”.

Við uppmøting, fáa tit tilluta armband við 10 øl ella cider tilgóðar á.

 

 

 

 

Viðmerkingar

Viðmerking