Takk fyri enn eitt metár!
Tað er ein sonn frøi at bera tey tíðindi, at føroyingafelagið í Aalborg aftur í ár kann fara í jólaferiu við einum flottum metári!
Aftur í ár kann nevndin bera tey tíðindi, at føroyingafelagið í Aalborg, Álaborg, hevur metár við heili 331 limum (294 vaksnum limum og 37 børnum undir 18). Tað er ótrúliga flott, og nevndin vil takka øllum limum og sjálvbodnum hjálparfólki fyri áltið, alla hjálp og góða uppmøting til øll tiltøk og tilboð, sum føroyingafelagið saman við sjálvbodnum og stuðlum hevur bjóðað í 2019.
Seinastu árini hevur tilflytingin til Aalborg voksið, og Aalborg hevur síðani 2014 verið næst populerasti tilflytarabýur føroyinga eftir Keypmannahavn. Hetta hevur sjálvsagt verið ein av orsøkunum til, at føroyingafelagið seinasti árini hevur voksið so mikið.
Onnur orsøkin er væl, at føroyingafelagið við trúføstum sjálvbodnum far bjóðað føroyingunum í Norðurjútlandi alsamt fleiri og fjølbroyttari tiltøk og tilboð. Føroyingafelagið í Aalborg og sjálvbodnu hjálparfólkini arbeiða støðugt við at menna og skipa fyri fjølbroyttum tiltøkum fyri limunum, sum eru úr 0-90 ára aldri.
Og ynskir tú at skipa fyri einum tiltaki í 2020 ella gerast sjálvboðin, ert tú hjartaliga vælkomin at seta seg í samband við nevndina á alaborg@alaborg.fo.
Niðanfyri er ein fyribilsskrá yvir tiltøk í fyrru helvt av 2020:
- 12/1 Brunsj í Álastovu
- 31/1 Pubquiz í Jomfru Ane Gade
- 15/2 Hjálparfólkaveitsla
- 23/2 Fastalávint og tunnusláttur
- 27/2 Pubquz í Álastovu
- 07/3 Brunsj og aðalfundur
- 14/3 Ræstkjøtaveitsla
- 27/3 Pubquiz í Álastovu
- 25/4 Flaggdagshald
- 23/5 Karnevalgonga
GG! Sunnudagsskúlin, páskagudstænasta og onnur tiltøk vanta á skránnið. Hetta verður dagført seinni á heimasíðu og Facebook.
Enn einaferð vilja vit takka fyri í ár og ynskja øllum føroyingum eini góð jól og eitt eydnuberandi nýggjár. Vit síggjast í 2020!
TEKNA LIMASKAP FYRI 2020 HER
Stuðlar 2019: Aalborg Kommune DukaTele Smyril Line Smyril Line Cargo OKKARA MMR RentYourCar Norðlýsi SVEIGGJ Hotel Føroyar Spik.fo Reika.fo DISM G! Festival Østrøm Sprotin P/F Poul Michelsen Norðfra Hiddenfjord Føroya Keypsamtøka í Hoyvík Sigert Patursson Hildarting HVØR
Viðmerkingar
Stuðlar
