Nevndararbeiðið í brennidepilin
Nú styttist til ársins aðalfund í føroyingafelagnum í Aalborg, og tískil fer nevndararbeiði at seta dám á heimasíðu og Instagram komandi tíðina.
Leygardagin 7. mars 2020 kl. 11.00 bjóðar føroyingafelagið í Aalborg til Aðalfund og brunsj á Forchhammersvej 5-7, 9000 Aalborg. Umframt lekkru brunsjina kunnu tit á aðalfundinum síggja fram til:
- Formansrøðu: Tróndur Fuglø tekur samanum árið 2019
- Framløgu: Rani Gregoriussen, peningarøkil, leggur ársroknskapin 2019 fram
- Nevndarval 2020/21
Bloggar um nevndararbeiði á heimasíðuni
Í samband við aðalfundin 2020 fara fyrrverandi og núverandi nevndarlimir í Álaborg at blogga um at vera nevndarlimur í Álaborg. Fyrsti bloggur kemur út sunnudagin, 1. mars 2020. Bloggarar eru:
- Bryndis í Dali, forkvinna 2018/19 og nevndarlimur 2017/18
- Rani Gregoriussen, peningarøkil 2019/20
- Kára Veirum, nevndarlimur 2014-19
- Martin Didriksen, nevndarlimur 2017-19
- Magnus Pauli West, heiðurslimur í Álaborg, formaður 2016-18 og skrivari 2015/16
Nevndin tekur yvir Instagram
Afturat tí tekur sitandi nevnd yvir Instagram hesa vikuna. Á Instagram hevur tú tískil høvi at lesa um hvønn einstaka nevndarlim, lesa um ávísar uppgávur hjá nevndarlimunum og seta teimum spurningar. Instagram takeover byrjaði í dag, og fyrsta uppslagið átti formaðurin sjálvur, Tróndur Fuglø.
- 28 feb. Tróndur Fuglø, formaður
- 29 feb. Borgar Stórá, næstformaður
- 01 mars Rani Gregoriussen, peningarøkil
- 02 mars Brynhild Dam, skrivari
- 03 mars Erika Hjalgrímsdóttir, nevndarlimur
- 04 mars Rebekka Fuglø, nevnarlimur
- 05 mars Tummas Jóhan Sigvardsen, nevndarlimur
Stilla upp til nevndarval og send uppskot til aðalfundin
Um tú hevur spurningar í samband við nevndararbeiðið ella aðalfundin í Álaborg, ert tú hjartaliga vælkomin at seta teg í samband við nevndina á teldupost ella seta teg beinleiðis í samband við nevndarlimirnar.
Allir limir í føroyingafelagnum í Aalborg eru vælkomnir at stilla upp til nevndarval 2020/21.
Afturat tí eru øll vælkomin at senda inn uppskot til broytingar, tiltøk o.l. í felagnum til alaborg@alaborg.fo. Uppskot í samband við aðalfundin skulu vera felagnum í hendi í seinasta lagi 01. mars.
Nevndin
Ynskir tú sum valevni 2020/21 at fáa talutíð á heimasíðuni, ert tú vælkomin at seta teg í samband við Álaborg.
Viðmerkingar
Stuðlar
