Hey tit!

 

Eg eiti Jóhanna Ortind, og eri næstforkvinna í Álaborg. Eg eri 26 ára gomul og útbúgvin logistikøkonom. Eg stillaði upp til aðalfundin í 2020 fyri at fáa meira royndir innan sjálvboðið nevndararbeiði og verða meira aktiv millum føroyingarnar í Aalborg.

 

Sjálvbodna arbeiðið í Álaborg er sera áhugavert og mennandi. Vit hava altíð stuttligar og hugnaligar nevndarfundir. At vera við í nevndini gevur tær góðan møguleika at knýta nýggj vinarbond og styrkja títt netverk.

 

Mínar nevndaruppgávur hava m.a. verið:

• Samskipan av hallarbóking og kontaktpersónum innan ítróttin
• Barrleiðari og innkeypari til barrina
• Samskipan av kirkju, presti og organisti til gudstænasturnar
• Limaskrásetan
• Rættlesari til almenn skriv
• Annað fyrifallandi arbeiði

 

Um tú hevur áhuga fyri sjálvbodnum arbeiði og ynskir at hitta føroyingar í øðrum høpi enn vanligt, vil eg avgjørt eggja tær at stilla upp!

 

Eru spurningar, kunnu tit seta tykkum í samband við meg á Facebook, á Instagram síðu felagsins ella á @johannaortind

Viðmerkingar

Viðmerking