Nú stundar til árligu grillveitsluna hjá Álaborg, ið verður leygardagin 9.06.2018, kl:13:00.

Takið tykkara yndis grillmat við oman í Forchhammersvej 5-7. Felagið tekur grillina fram og tit skulla bert taka tykkara yndis grillmat við. Tað vera ókeypis pylsur og pylsubreyð, so leingi vit hava nakað eftir. Vit hava uml. 2 pylsur og 1 breyð til 40 fólk. Vit syrgja eisini fyri salat, ketjup, sinopp, ristaðum leyki, træpinnum til kebab og ný- og heimagjørdari hyldeblomstsaft, beint úr okkara hyldetræði uttanfyri Álastovu!
Møguleiki verur fyri at keypa sær eina kalda føroyska øl afturvið matinum ella eina vanliga sodavatn fyri ein sømiligan prís.

Veðurforsøgninar spáa um serliga gott veður í vikuskiftinum, og tí fara vit at hava ymiskar vatn aktivitetir bæði til børn og vaksin, soleiðis at vit kunna svala okkum í hesum hitanum. Vit syrgja fyri at vatn aktivitetirnir vera á grasplenuni frammanfyri húsini, og grillingin fer fram aftanfyri húsini, so tit noyðast ikki vera bangin fyri at gerast vát, um tit ikki ynskja tað. Vit fara at hava vatnballónir, vatnslangu, svimjihyl til tey smærru børnini og Slip N Slide, og um tit hava okkurt annað, sum eisini hevði verið hóskandi til dagin, eru tit vælkomin at taka hetta við! 😀 

Um tit vilja vera við í vatn aktivitetunum, hevði tað verið skilagott at tikið svimjiklæðir og eitt handklæði við sær oman. Vit hava vatnslangu á staðnum, soleiðis at man fær skolað sær kroppin.

GG! Vit vilja gera vart við, at hetta er seinasta freist at avheinta limakort áðrenn summarfrítíðina. So um tit vilja nýta ágóðar felagsins í summar, t.d. avsláttur hjá GoBoat, skal limakortið avheintast hendan dagin. Vit vera ikki aftur at hitta fyrr enn 25. August.

 

Viðmerkingar

Viðmerking