Føroyingafelagið í Aalborg og borðspæls-caféin Dice ‘n Drinks hava gjørt eina avtalu um fastan avsláttur.

 

Dice ‘n Drinks er ein hugnalig café, ið liggur á Sankelmarksgade 15, ið er mitt í býnum. Í barrini eru alskins sløg av drekkivørum og okkurt lætt til matna er eisini til keyps. Umframt hetta hava tey yvir 500 borðspøl og tó um tað ljóðar ótrúligt, so duga tey næstan øll spølini á hillunum og eru altíð til reiðar at hjálpa tær/tykkum.

 

Dice ‘n Drinks vilja fegin bjóða limum okkara:

• Árskort fyri einans kr. 250, ið vanliga kostar kr. 300.
  • Árskortið gevur tær ókeypis atgongd og gevur tær eisini møguleikan at bjóða einum vini ókeypis inn við tær. Vanligi kostnaðurin er kr. 30 per persón.
• Fastir avsláttarprísir*:
  • -10% um tit sum bólkur brúka yvir kr. 200
  • -20% um tit sum bólkur  brúka yvir kr. 300

 

 * Vørur, ið eru á tilboð, eru ikki við í avsláttinum. Avsláttarprísirnir kunnu ikki leggjast saman, tvs. tað ber ikki til at keypa fyri kr. 500 og fáa -30% avsláttur. Avslátturin verður latin á tann hátt, at tú vísir barrtænaranum limakortið títt og sigur, at tú ætlar at opna eina rokning á borðið, ið verður goldin seinni á kvøldinum. Røkkur rokning tykkara á yvir kr. 200, er samanlagt -10% avsláttur á rokningini. Røkkur rokningin á yvir kr. 300, so er samanlagt -20% avsláttur á rokningini.

 

---

Nevndin

Viðmerkingar

Viðmerking